Форум 21 ақпанда атап өтілетін Дүниежүзілік экскурсоводтар күніне орай ұйымдастырылды.
Белгілі болғандай, 2025 жылғы 28 қаңтарда өткен Үкіметтің кеңейтілген отырысында Мемлекет басшысы туризм саласын экономиканың өсуіне жаңа серпін беретін маңызды бағыттардың бірі ретінде дамыту, инвестициялық тартымдылығын арттыру, инфрақұрылымды жетілдіру және жоғары білікті мамандар даярлау бойынша тапсырма берген болатын.
Осыған байланысты Форум аясында астаналық туризм саласының өкілдері экскурсиялық қызметтің өзекті мәселелері бойынша баяндама жасап, оның туризмді дамытудағы маңыздылығын атап өтті. Қатысушылар гидтер мен экскурсоводтарды кәсіби даярлау қажеттілігіне ерекше назар аударып, бұл Астанаға туристер ағынын арттыруға оң әсер етуі мүмкін екенін айтты.
Форумның бірінші күнінде «QazaqGeography» РҚБ гидтер мен экскурсоводтардың кәсіби қауымдастығымен әріптестік орнатудың бірнеше бағытын ұсынды:
- «BizQazaqGeography» ақпараттық-коммуникациялық алаңы: QazaqGeography алаңында халықаралық және ұлттық сарапшылардың қатысуымен экскурсиялық қызметтің салалық мәселелерін талқылау.
- Ортақ жобалар мен бастамалар: Ішкі туризмді дамыту мақсатында гид-экскурсоводтардың экологиялық сананы арттыруға және табиғи мұраны сақтауға бағытталған бірлескен жобаларға қатысуы.
- Бірлескен экскурсиялық бағдарламаларды әзірлеу: Астана мен жалпы Қазақстан бойынша ерекше және тақырыптық турларды құру. Бұл экологиялық, тарихи немесе мәдени нысандарды қамтитын арнайы маршруттар болуы мүмкін.
- Әртүрлі тақырыптықу іс-шараларды ұйымдастыр: QazaqGeography конкурстар, туристік квесттер, экологиялық акциялар және танымдық дәрістер сияқты іс-шараларды қолдайды, олар туристер үшін де, жергілікті тұрғындар үшін де қызықты болады.
Форумға астаналық және өңірлік экскурсия қызметінің 80-ге жуық өкілі қатысты.
