Шетелден келген қонақтардың келудегі басты мақсаты – Қазақстанмен, оның мәдениетімен, салт-дәстүрімен, табиғатымен, туристік орындарымен танысу. Қазақстан Республикасы Сыртқы істер министрлігінің шақыруымен елімізге Бельгия, АҚШ, БАӘ, Сауд Арабиясы, Катар, Түркия, Оңтүстік Корея, Словакия, Германия, Мексика елдерінен журналистер мен блогерлер келді.
Келушілерді QazaqGeography Басқарма төрағасы Ерік Сұлтанов қарсы алып, қонақтарды бірлестіктің миссиясымен және мақсатымен таныстырып, Қазақстанда жақсы уақыт өткізулерін тіледі.
Сонымен қатар журналистер біздің жобалармен жан-жақты танысты, QazaqGeography өкілдері оларға экскурсия жасап, ұлттық тағамдармен, сондай-ақ қымызбен қарсы алды. Қонақтардың көбі осы ашытылған бие сүтінің сусынынан алғаш дәм татып, эмоцияларын жасырмады.
Сапарды еске алу үшін қонақтарға ұлттық бас киім – тақия сыйланды.
