Kz Ru En

Шарында жыл соңына дейін туристерге арналған заманауи визит-орталықтар пайда болады

Алматы қ.

2022 жылдың 26 қыркүйегінде Алматы облысының Шонжы ауылында «Алтын-Емел» ұлттық паркінде визит-орталықты орнату және қоршаған ортаға әсерді бағалау (ҚОӘБ) нәтижелері бойынша қоғамдық тыңдау өтті.
Қоғамдық тыңдауларды өткізудің бастамашысы «QazaqGeography» республикалық қоғамдық бірлестігі құрамындағы Заңды тұлғалар консорциумы болды.

Ұйғыр ауданы Шонжы ауылынан 38 км жерде Шарын каньонының аумағында ауданы 784 шаршы метр визит-орталығын орнату жоспарлануда. Шарын шатқалының ландшафтымен үндес бірегей дизайны бар жаңа ғимаратта туристер жайлы жағдайда демалып, тамақтана алады, турмаршруттар туралы қосымша ақпарат және қауіпсіздік бойынша нұсқаулық ала алады, жергілікті өндірістің кәдесый өнімдерін сатып ала алады, сондай-ақ кәсіби гидтің сүйемелдеуіне тапсырыс беріп, қажетті жабдықтарды жалға алуға мүмкіндік бар.

Орталықты салу кезінде негізінен экологиялық қауіпсіз материалдар пайдаланылатын болады, ал визит-орталықты орнату бойынша жұмыстардың өзі және қоршаған ортаға әсер ету жөніндегі есепте көрсетілген ғалымдардың бағалауы бойынша табиғатқа елеулі зиян келтірмейді.

Визит-орталықты орнатумен байланысты қоршаған ортаға әсері туралы баяндамамен эколог, Қазақстан биоалуантүрлілікті сақтау қауымдастығының (ҚБСА) өкілі Тамара Ширяева сөз сөйледі.

«Визит-орталықтың қызметі қауіптіліктің 4 санатына жатады, қоршаған ортаға әсері өте аз, өйткені объектінің жоспарланған құрылысы учаскесіне жақын жерде сирек жануарлар өмір сүрмейді және өсімдіктердің сирек түрлері өспейді. Ағынды сулар мен қоқыстар ұлттық парктен тыс жерлерге арнайы бөлінген орындарға шығарылады. Бұдан басқа, шуды азайту бойынша іс-шаралар жүргізілетін болады», - деді Тамара Ширяева.


Сонымен қатар, сарапшы жобаның әлеуметтік-экономикалық ортаға оң әсерін атап өтті. Визит-орталықты орнату өңірде туризмді дамыту, халық үшін жаңа жұмыс орындарын ұйымдастыру, жергілікті бизнесті тарту, қосымша инвестициялар тарту, бюджетке аударымдарды ұлғайту және т. б. мүмкіндіктерді ашады.
Пайдалануға ұсынылған барлық учаскелерді зерттеуге зоолог, ботаник, инженер-эколог, экотуризм жөніндегі маман сияқты ҚБСА сарапшылары қатысты.

Тыңдауды ұйымдастырушылар визит-орталық мәдени және танымдық іс-шаралардың орнына айналатынын атап өтті.

«Бұл саябақтың табиғаты мен тарихымен танысуға, эко-ағартуға және экологияға деген қамқорлықты насихаттауға арналған кеңістік. Біз табиғатта демалу мәдениетін арттыруға, оған ұқыпты қарауға тәрбиелеуге бағытталған танымдық іс-шараларды тұрақты негізде өткізетін боламыз, сондай-ақ қызықты дәріскерлерді шақыруды, тақырыптық конференциялар, семинарлар өткізуді, қоқыс пен вандализм сияқты проблемалар туралы әңгімелеуді жоспарлап отырмыз», - деп атап өтті «QazaqGeography» РҚБ өкілі Томирис Мұсаева.

Визит-орталықтың құрылысы шамамен 3 айға созылады, бірақ оның ашылуы келесі туристік маусымның басында - 2023 жылдың наурызында жоспарланған. Қызметкерлер жергілікті тұрғындар арасынан іріктеледі, деп атап өтті «QazaqGeography» РҚБ.

Тыңдауға Жергілікті атқарушы органдардың өкілдері, басшы ауылының тұрғындары, азаматтық белсенділер, сондай-ақ қоғам қайраткерлері қатысты.

Айта кетейік, «QazaqGeography» РҚБ 2021 жылдың наурыз айынан бастап «Алтын-Емел» және «Шарын» ұлттық парктерінде экологиялық туризм мен инфрақұрылымды дамыту бойынша жобаны жүзеге асыруда. Осы уақыт ішінде саябақтарда үлкен жұмыс жүргізілді, оның ішінде сусыз негізде жұмыс істейтін күркелер, көлеңкелі бастырмалар, ауыз су бұрқақтары, қарау алаңдары, навигация және эко-дәретханалар орнатылды.


Анықтама үшін:
«QazaqGeography» -Қазақстанның бай табиғаты мен өзіндік мәдениетін зерделеуге, елдің тарихи-мәдени мұрасын сақтауға және өз білімін болашақ ұрпаққа беруге ортақ ниетпен біріккен азаматтардың ерікті географиялық қоғамдастығы
«QazaqGeography» ұлттық географиялық қоғам ретінде 2013 жылы құрылған және бүгінде
1 000-нан астам мүшеден тұратын бүкіл Қазақстан бойынша 11 өңірлік өкілдікке ие.
< назад

Другие новости

13.10.2022
QazaqGeography Басқарма төрағасы Моңғолияның жоғары мемлекеттік наградасымен марапатталды
Читать >
29.09.2022
Жетісу облысында «Алтын-Емел» визит-орталығын салу бойынша қоғамдық тыңдау өтті
Читать >
29.09.2022
Ақтауда Эко-Хакатон жеңімпаздары анықталды
Читать >
27.09.2022
Шарында жыл соңына дейін туристерге арналған заманауи визит-орталықтар пайда болады
Читать >
09.07.2022
Түрген шатқалында туристер үшін жаңа визит-орталық өз жұмысын бастады
Читать >

Байланыс

Жалпы мәселелер
info@q-g.kz

9 (7172) 999 336 (ішкі 1014)

9 (705) 760 2950 (ішкі 1054)

Экспедиция, іс-шаралар
БАҚ байланыс
Z10G9D2 Қазақстан, Астана Абай даңғылы 22
Бізге жазыңыз