Қазақстандық зерттеуші табиғатты қорғау саласындағы беделді сыйлыққа ие болды

Қазақстандық биоалуантүрлілікті сақтау қауымдастығының (АСБК) жетекші маманы Альберт Салемгареев, Орталық Азиядағы дала экожүйелерінің негізгі түрі ақбөкен популяциясын сақтау жөніндегі Қазақстанның күш-жігеріне қосқан үлесі үшін Британдық Whitley Fund for Nature қайырымдылық ұйымының (WFN) Whitley Awards табиғатты қорғау саласындағы беделді халықаралық сыйлығының лауреаттарының бірі болды. Ақбөкен саны 2022 жылы 1,3 млн. асты, деп Қазақстанның Ұлыбританиядағы Елшілігі хабарлады.

Альберт 2006 жылдан бастап ақбөкендерді зерттеумен айналысады, жеке дараларға арнайы таратқыштары бар жағаларды орнату арқылы спутниктік таңбалау бағдарламасын басқарады. 2009 жылдан бастап барлығы 186 жануар белгіленді және алынған мәліметтер жануарлардың маусымдық қозғалу жолдарын, олардың төлдеу кезіндегі шоғырлану орындарын түсінуге ықпал етті. Деректер "Алтын Дала" резерватын құру және Ыргыз-Торғай мемлекеттік табиғи резерватының алаңын кеңейту кезінде пайдаланылды. Жануарлардың көші-қон жолдарының карталары олардың теріс әсер ету қаупін азайту үшін жол инфрақұрылымын жоспарлауда қолданылады.


Альберттің Қазақстан Үкіметіне ақбөкенді сақтауға жәрдемдесу жөніндегі Көп жылғы жұмысы оның сыйлыққа кандидатурасын ұсыну үшін лайықты негіз болды. Марапаттау рәсімі корольдік географиялық қоғамда өтті және Қордың 30 жылдығына арналды. Сыйлықты лауреаттарға WFN қорының меценаты, Ұлыбритания Корольдік ханшайымы Анна табыстады. Жеңімпаздар өз жобаларын дамыту үшін 40 000 фунт сыйақы алды.