Жетісу облысы

Тарихы

2022 жылғы 16 наурызда Қазақстан Республикасының Президенті Қасым-Жомарт Тоқаев Парламент палаталарының бірлескен отырысы кезінде Қазақстан халқына Жолдауында сөз сөйлеп, Алматы қаласының агломерациясына қатысты проблемалардың бар екенін атап өтіп, Алматы облысын екі – Жетісу және Алматы облыстарына бөлуді ұсынды.

Облыс тұрғындары негізінен қала төңірегіне шоғырланған. Ұзынағаштағы немесе Талғардағы мәселені сонау Талдықорғанда отырып шешу оңай емес. Облыс орталығына бару үшін халықтың алысқа сабылуына тура келеді. Осы және басқа да жайттарды ескере отырып, Алматы облысын екіге бөлуді ұсынамын. Бұл өңірде Жетісу және Алматы облыстары құрылады. Алматы облысының орталығы Қапшағайда болуы керек. Ал Жетісу облысының орталығы Талдықорғанда орналасады. Бұл қадамдар аймақтарды дамыту ісіне тың серпін береді деп санаймын.

- Қасым-Жомарт Тоқаев

Облыс Қазақстан Президентінің 2022 жылғы 4 мамырдағы Жарлығына сәйкес 2022 жылғы 8 маусымда құрылды.
Оның атауы орыс тіліне аударғанда «Семиреченская» дегенді білдіреді және Ресей империясының Жетісу облысымен РКФСР-дің Джетысуйский губерниясымен астасады, орталығы Алматы қаласында орналасқан.
Жетісу облысы өз шекарасында 1997 жылы таратылған бұрынғы Талдықорған облысымен шектеседі.

Әкімшілік бөлінісі:

Административное деление области (2022 год)

Облыс 8 ауданнан және облыстық бағыныстағы 2 қаладан (қалалық әкімдіктер) тұрады:

1. Ақсу ауданы — Жансүгіров
2. Алакөл ауданы — Үшарал
3. Ескелді ауданы — Қарабұлақ
4. Қаратал ауданы — Үштөбе
5. Кербұлақ ауданы — Сарыөзек
6. Көксу ауданы — Балпық Би
7. Панфилов ауданы — Жаркент
8. Сарқан ауданы — Сарқан
9. Талдықорған қаласы
10. Текелі қаласы